如果有得揀，識玩識食嘅你一定會想住喺個方便去玩，又多美食選擇嘅地方。不過喺石屎森林住得耐，都一定會好想見返多啲綠色植物。恒基推出位於啟德嘅The Henley II，不但交通方便，近九龍城呢個美食天堂，仲有個約32,000平方呎嘅大會所以及逾30,000平方呎綠化空間，等住戶可以喺城市中打造屬於自己嘅農莊！
特色美食聚集地 得閒落Vintage咖啡店歎咖啡
鄰近啟德嘅九龍城多美食已經唔係秘密，除咗好出名嘅泰國菜，仲有唔少特色美食。近排仲新開咗唔少Vintage嘅咖啡店！下面即刻為大家介紹！
戰前唐樓改建Cafe——「南角」
香港近年越開越多Cafe，但你又有冇去過走懷舊香港風格嘅Cafe呢？位於南角道嘅「南角」，前身係一間五金店，設計上既保留咗舊有招牌和鐵閘，同時又融合咗現代簡約嘅設計元素。大家可以一邊歎住咖啡，一邊感受舊香港嘅情懷。
前身為超過80年中藥舖——「大和堂」
除咗「南角」，九龍城仲有另一間同樣融合咗舊時特色嘅Cafe——「大和堂」。「大和堂」前身係一間中藥舖，不過就由飲廿四味轉咗飲咖啡+食fusion菜。Cafe入面仍然保留中藥舖嘅裝修，絕對適合鍾意懷舊feel嘅你！
屯馬線開通方便居民進出 舊機場化身公眾休閒平台
屯馬開通確係好興奮，最興奮嘅莫過於啟德嘅居民！屯馬線四通八達，接駁屯門至烏溪沙，啟德唔再係山旮旯之地。The Henley 嘅住客只需1個站，就可以去到上面介紹嘅美食之都——九龍城；1個站就可以去到鑽石山，轉駁去港九新界！
除咗交通方便，相信大家都好關心啟德嘅基建設施。講起啟德，大家第一時間可能會諗起舊機場。但今時今日，啟德已經有唔少正在建設嘅設施，舊機場亦已經搖身一變，成為啟德空中花園。
啟德空中花園全長1.4公里，加入咗機場、飛機跑道嘅主題元素，為大家保留舊啟德機場嘅回憶，同時亦成為公眾休閒嘅平台。
啟德未來將有更多基建落成 住戶可俯瞰維港無敵靚景
隨住政府嘅啟德發展計劃，啟德未來會有更多矚目嘅大型基建，當中包括預計明年竣工嘅SOGO雙子塔，以及政府耗資300億元興建嘅啟德體育園。
SOGO雙子塔為兩幢的大廈，達約108萬平方呎，將會引入零售、娛樂、餐飲等配套。而啟德體育園則包括一座世界級嘅多用途體育場館，可以用嚟舉行大型足球或者欖球比賽等等，體育園亦附有各種體育設施，供各團體、學校、公眾使用。相信到時 The Henley 住戶嘅衣食住行，甚至係做運動，都可以全部喺啟德解決！ 連睇靚景，都可以留喺屋企睇！
The Henley 嘅住戶就算留喺屋企，都有得日日歎靚景！The Henley II 以南及西南的高座住戶可以欣賞啟德體育園、維多利亞港嘅景致；向東南的高座住戶就可欣賞啟德郵輪碼頭及都會公園等一帶開揚綠化嘅環境，兼日日欣賞維多利亞港美景。望出窗個景靚啲，個人自然都開心啲啦！
The Henley II 共有301伙 實用面積379平方呎起
由恒基推出嘅The Henley II 總共有301伙，戶型由一房至三房戶，實用面積379-888平方呎，適合追求自主嘅年輕一族。
值得留意，The Henley II 高座大樓的部分住宅單位樓底最高約有3.5米，令居住空間感覺更加寬敞。
3.2萬平方呎大會所 農莊/Workshop/機械人/35米游泳池
要數The Henley 嘅特別之處，不得不提佢設施包羅萬有嘅會所，除咗健身設施、游泳池之外，項目唔同位置仲有智能機械人為住客服務。The Henley 更為住客打造城市中的綠洲，等長期困喺石屎森林嘅住戶，可以輕易感受大自然嘅氣息。
打造城市中的農莊
喺屋企種下小盆栽咁常見，你又有冇諗過可以喺城市度種到食得嘅蔬果？The Henley 嘅會所及園林正正為你打造城市中嘅農莊體驗，分別設有果園、室內菜園、茶園、香熏園等，等住客喺城市都可以過綠色生活。住戶想呼吸新鮮空氣，唔一定要去到偏遠嘅郊野公園，落一落會所就得！
參加Workshop 假日放鬆身心
住戶除咗可以透過種菜放鬆身心外，參加會所嘅Workshop都係不二之選，The Henley 不定時都會同專業導師舉辦Workshop，閒時去會所跟導師學整線香、香包呢啲小手作，之後拎返屋企做裝飾擺設，心情即刻放鬆晒！
智能機械人方便住戶生活
種完菜、玩完Workshop，如果有杯咖啡飲下，就可以為假期劃上一個完美嘅句號！咁 The Henley 會所嘅咖啡機械人一定幫到你！佢除咗會幫你沖到杯咖啡之外，仲識拉花㖭，啱晒追求品味生活嘅你！
The Henley唔止會所有咖啡機械人，項目其他位置仲設有快遞機械人、行李機械人、清潔及消毒機械人、體溫檢測機械人。
構建私人運動空間
鍾意做運動嘅你一定好心急想知 The Henley 嘅會所有咩運動設施。唔使擔心！The Henley 有個Gym World + 約35米大泳池任你用，以後唔使愁去邊做運動啦！
Henley Gym World有好多元嘅運動空間，包括有「全能訓練區」、「健身天地」、「私人訓練室」、「重力訓練區」、「瑜珈專區」。如果做運動做到攰，仲可以去「休憩專區」抖抖！
會所又點少得游泳池！The Henley 嘅住戶可以享用會所約35米嘅遊泳池、按摩池、水療休閒間，泳池上方又有分層種植做背景，加埋溫暖舒適嘅陽光，環境靚啲、舒服啲，一定更加有動力Keep住做運動。
三房單位間隔實用 設弧形落地大玻璃飽覽啟德美景
講咗咁耐，大家一定好關心 The Henley II 單位有咩特別，今次就為大家介紹三房單位嘅間隔啦！
The Henley II 設有32伙三房單位，實用面積888平方呎。單位呈長方形設計，間隔四正實用，易於擺放大型傢俬。
最特別嘅係！部分單位設有弧形落地大玻璃窗，設計非常獨特罕有。住客能夠喺更多不同角度飽覽啟德美景。
以後唔怕閂門聲嚇親家人 出夜街可靜靜地入屋
原來 The Henley 連門嘅設計，甚至衣櫃，都好別出心裁㗎！
單位採用與BARAUSSE共同設計及研發的房門及門框。房門框邊設計配合電磁門鎖，可大大減輕開、關門嘅聲響，隔音效果一流，屬區內住宅項目罕有。以後夜咗返屋企，就唔怕閂門聲會嘈醒屋企人啦！
智能衣櫃殺絕新冠病毒 唔怕屋企残留細菌
至於鍾意買靚衫嘅女仔，一定最關心衣櫃！呢度就有個意大利品牌 LEMA Fashion Box，佢最吸引嘅就係內置咗空氣淨化系統，一閂埋衣櫃門就會釋出氧化氫，殺滅到細菌、霉菌，甚至新冠病毒。喺而家疫情咁嚴峻既時候，真係好實用呀！
時尚而有品味嘅家居又點少得智能生活呢！The Henley 採用咗Smart Living，等大家一App在手，就可以輕鬆掌控到家居狀況，連網購完食物都有機械人上門送貨，完美體驗智能生活！
即刻去示範單位參觀！
睇咗咁耐，大家一定好想再了解多啲 The Henley！提提大家！發展商開放咗示範單位畀大家參觀，有興趣嘅朋友可以去中環IFC 1期21樓睇睇呀！立即按此了解更多！
(Presented by 恒基兆業地產)
